Вести
News and press releases
Вести и соопштенија за јавноста од глобалните активности на ОБСЕ
Изборите во Северна Македонија беа конкурентни и гласачите беа добро информирани, иако процесот останува недоволно регулиран: меѓународни набљудувачи
Publishing date: 9 мај 2024
Content type: Соопштенија за јавноста
Where we are: OSCE Office for Democratic Institutions and Human Rights
What we do: Избори
СКОПЈЕ, 9 мај 2024 година – Вториот круг на претседателските избори и парламентарните избори во Северна Македонија беа конкурентни, а обемната и плуралистичка кампања им помогна на гласачите да донесат информирана одлука, но беа извалкани со негативна реторика со националистички слогани, како и со недостатоци во законодавството и недоволен надзор над финансирањето на кампањата, се вели во денешното соопштение на меѓународните набљудувачи.
Претседателските избори во Северна Македонија беа конкурентни и севкупно добро спроведени, но обележани со одредени законски празнини и негативна реторика, велат меѓународните набљудувачи
Publishing date: 25 април 2024
Content type: Соопштенија за јавноста
Where we are: OSCE Office for Democratic Institutions and Human Rights
What we do: Избори
СКОПЈЕ, 25 април 2024 година – Кампањата за претседателските избори во Северна Македонија беше конкурентна и беа почитувани основните слободи, вклучувајќи ја и слободата на медиумите, но важни сегменти од претседателската трка вклучувајќи ги правилата за кампањата, пристапот до медиумите и распределбата на државното финансирање не се регулирани, што го поткопува клучниот принцип на правна сигурност, се вели во денешното соопштение на меѓународните набљудувачи.
ОБСЕ/ОДИХР ја отвора набљудувачката мисија во Северна Македонија
Publishing date: 21 март 2024
Content type: Соопштенија за јавноста
Where we are: OSCE Office for Democratic Institutions and Human Rights
What we do: Избори
Скопје, 21 Март 2024 – Канцеларијата на ОБСЕ за демократски институции и човекови права (ОДИХР) денеска ја отвори набљудувачката мисија во Северна Македонија за претседателските избори кои ќе се одржат на 24ти Април и парламентарните избори кои ќе се одржат на 8ми Мај, по покана на националните авторитети.
Нов ласерски систем за спречување нелегална употреба на оружје
Publishing date: 18 март 2024
Content type: Соопштенија за јавноста
Where we are: Мисија на ОБСЕ во Скопје
СКОПЈЕ, 18 март 2024 – Со воведувањето нов систем за управување со деактивирано огнено оружје, овозможено преку донацијата од Програмата за развој на Обединетите нации (УНДП) и Мисијата на ОБСЕ во Скопје, ќе се спречи злоупотребата на оружје и ќе се подобри безбедноста ширум Северна Македонија.
За подобро полициско работење: Регионална конференција за унапредување на родовата еднаквост во рамките на органите за спроведување на законот
Publishing date: 7 март 2024
Content type: Соопштенија за јавноста
Скопје, 7 март 2024 – Родот и безбедноста се во центарот на вниманието на конференцијата организирана од Мисијата на ОБСЕ во Скопје и Канцеларијата на ОБСЕ за демократски институции и човекови права (ОДИХР) во Скопје на 7 и 8 март. На конференцијата учествуваат органите за спроведување на законот од регионот со цел да разменат искуства и најдобри практики за постигнување родова еднаквост во рамките на органите за спроведување на законот
Во потрага по оружје: Ја претставуваме првата жена-водач на службено куче
Publishing date: 22 февруари 2024
Content type: News
Where we are: Мисија на ОБСЕ во Скопје
What we do: Контрола на оружје, Полициско работење
Заедно со нејзината енергична партнерка од единицата К9, 5-месечната Ада од расата белгиски овчар (малиноа), Кристина Шикова до летово ќе излезе на терен да извршува должности за откривање. Кристина поминува обука за да стане водач на службено куче, со што ќе биде првата жена во Северна Македонија на ваква позиција. Иако Ада знае да ги следи командите на Кристина со топче, таа сега учи како да душка автомобили со намера да открива. За само неколку месеци, Ада ќе може да ги извршува нејзините должности на куче-душкач со врвна прецизност, особено при откривањето огнено оружје и муниција. Напорите на Мисијата на ОБСЕ во Скопје за зајакнување на капацитетите за откривање на Единицата за службени кучиња е дел од потфатот за зајакнување на контролата на оружје во Југоисточна Европа. Зајакнувањето на капацитетите за откривање дава значаен придонес кон пошироката цел за подобрување на безбедноста и намалување на пролиферацијата на оружје во регионот. Кристина шест години е дел од полицијата, но сакаше да работи во Единицата за службени кучиња уште од самиот почеток. Кога се отвори работното место, таа веднаш аплицираше. „Сѐ уште имам измешани чувства не ми се верува, возбудена сум, сакам да го работам тоа, пред сѐ ми претставува задоволство и не го гледам како работа“, изјави Кристина за моментот кога ја дозна добрата вест за нејзиното именување во јануари. Нејзината обука вклучува социјализација, послушност, контакт со назначеното службено куче, теоретски и практични делови, како и физички задачи. Кристина очекува да научи многу од работата и има за цел да биде одлична како водач, а потоа да напредува како инструкторка со што активно ќе им помага на новите службеници и ќе им биде пример. Повикувајќи се на нејзините достигнувања, Кристина се залага за зголемена различност во органите на редот и потребата за повеќе жени во полицијата, притоа препознавајќи ја нивната улога во градењето доверба кај заедницата. Таа охрабрува повеќе жени да се пријават за работа во Единицата за службени кучиња бидејќи знае колку од нив ги поседуваат поттик и посветеност потребни за работата. Мисијата активно промовира родова активност преку иницијативи кои ги поддржуваат жените во органите на редот, обезбедувајќи обука и поддршка, и преку застапување за инклузија на жените во полицијата. Од 2018, Мисијата тесно соработува со Министерството за внатрешни работи (МВР) на Северна Македонија со цел да се спроведе родово сензитивно полициско работење преку сеопфатна родова менторска програма. Искуството на Кристина, заедно со нејзината партнерка од единицата К9, Ада, служи како инспирација за жените кои размислуваат за кариера во органите на редот и во Единицата за службени кучиња – кауза која Мисијата на ОБСЕ во Скопје со гордост ја поддржува. За напорите да се подобрат капацитетите за откривање мало и лесно оружје Подобрувањето на капацитетите за откривање спаѓа под проектот на Мисијата од вон-буџетски средства „Поддршка на националните власти на Република Северна Македонија во намалувањето на ризикот од пролиферација и злоупотреба на малото и лесно оружје (МЛО)“. Финансиран од Белгија, ЕУ, Франција, Германија, Норвешка, Словачка и САД, проектот овозможува значителен напредок во однос на подобрувањето на капацитетите за откривање на Единицата за службени кучиња во земјата. Дознајте повеќе за проектот за мало и лесно оружје овде.
Зајакнување на независното новинарство во Северна Македонија
Publishing date: 3 февруари 2024
Content type: News
Where we are: Мисија на ОБСЕ во Скопје
What we do: Слобода и развој на медиуми, Владеење на правото
Заедно со Здружението на новинари (ЗНМ) и нашите останати партнери, Мисијата на ОБСЕ во Скопје останува цврста во својата посветеност за поддршка на висококвалитетното новинарство.